इटहरी । नव गायिका रिता राउतको नयाँ तिज गीत ‘तिजमै नाचिन्छ, कम्मर भाँचिन्छ’ सार्वजनिक गरिएको छ ।
सुरेशचन्द्र दाहालको शब्द रचना , राजन क्षेत्रीको सङ्गीत, विनोद बाजुरालीको एरेन्ज रहेको गीत पूर्वेली इन्टरटेनमेन्ट मार्फत सार्वजनिक गरिएको हो । तिजलाई लक्षित गर्दै नयाँ गीत ल्याइएको हो । गीतको म्युजिक भिडियोलाई वसन्त बस्नेतले निर्देशन गरेका छन् ।
विशाल श्रेष्ठले सम्पादन गरेका छन् । रुपा थापाको अभिनय रहेको भिडियो मोरङ सुन्दरहरैचा स्थित नयाँ वृन्दावन गौशालाका विभिन्न स्थानहरूमा छायाङ्कन गरिएको छ ।
